時不時就會唸唸

自己點解要畫畫

自己點解要涂鴉

自己點解要讀書

自己點解要同人溝通

自己點解要睇電影

自己點解要聽音樂

自己點解要生存

生活中最常做嘅就係反思胡思搵答案

日子積積埋埋埋一堆就會思考自己生存嘅意義

自己喺朋友嘅價值

自己喺社會嘅價值 

自己喺自己預想中個等級

哩兩年來少咗去批判別人多咗檢討自己

過分地就會變自責自卑自憐

但越係看化身邊嘅一切就越係變本加厲

嗰一刻就似沉睡嘅火山偶然會爆發一次

之后又會繼續沉睡

好多人大概見到類似咁嘅圖片會

感嘆一兩句跟住發現自己咩都改變唔到

結果第二日繼續消費

其實我哋可以踏實咁過日子

咁就對得住掙扎求全嘅人

無能為力改變世界

正確咁講應該係出小小力都唔肯

我哋唔會偶然捐下錢,偶然做下義工,偶然做下善事

做善事有錢出錢有力出力

做善事唔只係明星同名人嘅專利

我們會將哩D事情拋諸腦后

我哋就會產生無聊寂寞孤獨空虛

其實人嘅心從來唔會空虛

因為唔同嘅人就會有唔同嘅嘢塞滿唔同人嘅心

為社會服務嘅人與生俱來填滿責任

寂寞空虛無聊嘅人自不然塞滿寂寞空虛無聊

見到悲哀嘅人唔覺得無奈唔覺得無能為力

大部分人都可以激發我嘅斗志...發奮發奮

發奮唔係為自己嘅前途發奮係為社會少D悲哀嘅人